Kosova
Borrell porosit Serbinë: Marrëdhëniet me Rusinë, kundër aspiratave integruese
![](https://www.albinfo.ch/wp-content/uploads/2023/05/1440x810_cmsv2_1ba513a4-6f99-53ab-8232-f5f1211b1138-5318638-587x330.jpg)
Bashkimi Evropian ia ka bërë të qartë Serbisë se rruga që po ndjek, duke ruajtur marrëdhënie të ngushta me Rusinë, nuk përputhet me aspiratat për integrime evropiane.
Përfaqësuesi i Lartë i BE-së për Politikë të Jashtme dhe Siguri, Josep Borrell, ia ka përcjellë këtë porosi Serbisë, duke thënë se nuk është rreshtuar si shumica e shteteve, transmeton Albinfo.ch.
Ai ka thënë se BE-ja i mirëpret zgjedhjet strategjike dhe të guximshme të disa shteteve që u përshtatën plotësisht me politikën e sanksioneve. Mirëpo, theksoi se u ka treguar atyre që nuk janë rreshtuar, e këtu e përmendi veçanërisht Serbinë, se mbajtja e lidhjeve të ngushta me Rusinë nuk është në përputhje me procesin e saj të anëtarësimit në BE.
“Është gjithashtu e dëmshme për interesin e vet kombëtar”, ka deklaruar Borrell në fund të takimit ministror.
Në këtë takim, në mes tjerash, është diskutuar edhe për influencën ruse në vendet e rajonit. Borrell ka thënë se Rusia po përpiqet të përmbysë rrugëtimin evropian të shteteve të rajonit.
Në takimin ministror u trajtua edhe procesi i normalizimit të marrëdhenieve ndërmjet Kosovës dhe Serbisë, me ç’rast Borell porositi se duhet të marrin fund tensionet dhe provokimet e ndërsjella, e po ashtu duhet të ndërpritet atmosfera negative dhe mungesë e konstruktivitetit.
Ai ka theksuar se të jesh anëtar i BE-së, do të thotë të bashkëpunosh dhe të veprosh si fqinjë i mirë për të kapërcyer të gjitha vështirësitë e së kaluarës./Albinfo.ch
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n