Britania në alarm, tentim për vrasjen e Mbretëreshës

“Mbretëresha do të vritej për Krishtlindje me hark dhe shtizë”

Policia dhe inteligjencia britanike janë vënë në alarm. Jeta e Mbretëreshës Elizabet u vendos në rrezik në Kështjellën Windsor, gjatë ditës së Krishtlindjes.

Autoritetet arrestuan një adoleshent, i cili synonte të vriste monarken britanike me një hark dhe shtizë.

Madje, për këtë kishte publikuar dhe një video, të siguruar nga gazeta “The Sun”, në të cilën shfaqet një person i maskuar, duke thënë se dëshiron “të vrasë Mbretëreshën”, në një mision “hakmarrjeje”.

Policia britanike konfirmoi se hetuesit po “shqyrtojnë përmbajtjen e materialit filmik” pas arrestimit të një 19-vjeçari nga Southampton. Megjithatë, nuk ka dhënë detaje të tjera për autorin, transmeton Cnn, përcjell Albinfo.ch.

Pallati Buckingham ka refuzuar të komentojë incidentin. I dyshuari konsiderohet si një person me probleme mendore. Fillimisht, personeli i kështjellës dyshoi se bëhej fjalë për një person që kishte shkelur perimetrin e sigurisë. Por, më pas zbuluan armën dhe videon e adoleshentit.

Në ato momente, Mbretëresha Elizabet ishte brenda rezidencës së saj në Windsor.

 

---