Shqipëria

Britania ua ndalon emigrantëve shqiptarë të paligjshëm që të punësohen

Emigrantët e paligjshëm në Britaninë e Madhe nuk do të mund të sigurojnë punë të ligjshme. Ky ka qenë mesazhi i dhënë nga  ambasadori britanik në Shqipëri Alastair King-Smith, gjatën një takimi me Drejtorin e Përgjithshëm të Policisë Shqiptare Gledis Nano.

Në këtë takim u ra dakord për të vepruar sa më shpejt në përgjigje të kriminelëve që po shfrytëzojnë të rinjtë shqiptarë që po udhëtojnë drejt Mbretërisë së Bashkuar në mënyrë të paligjshme, raporton rtsh, transmeton Albinfo.ch.

“Shprehëm vendosmërinë e përbashkët për të ndaluar fluksin e emigrantëve të paligjshëm drejt Mbretërisë së Bashkuar dhe Evropës. Diskutuam realitetin që i pret të gjithë ata që mbërrijnë në brigjet e Mbretërisë së Bashkuar. Emigrantët e paligjshëm nuk mund të sigurojnë punë të ligjshme. Së shpejti do të kthehen në Shqipëri dhe nuk do të jenë në gjendje të udhëtojnë kurrë më në Mbretërinë e Bashkuar. Të gjithë ata persona dhe familjarët e tyre që mund të jenë të tunduar të udhëtojnë drejt Britanisë nuk duhet të bien pre e propagandës së krimit”, tha Ambasadori Alastair King-Smith në këtë takim.


LAJME INTERESANTE NGA INTERNETI