Burgje të mbipopulluara në Zvicër

Gjendje më e rëndë është regjistruar në burgjet e Zvicrës frankofone. Në to është shënuar madje edhe mbipopullim maksimal prej 105%

Enti Federal Statistikor ka publikuar shifra shqetësuese që flasin për mbipopullimin e burgjeve zvicerane. Me 6200 persona, është arritur rekordi që nga viti 1999, i numrit të të burgosurve në vuajtje të dënimit, prej të cilëve një e treta në burgjet hetuese.

Aktualisht janë të zëna 92 për qind e vendeve në to, shkruan 20 Minuten.ch. Gjendje më e rëndë është regjistruar në burgjet e Zvicrës perëndimore (frankofone). Në to është shënuar madje edhe mbipopullim maksimal prej 105%.

Përqindja e të huajve që vuajnë burgun në Zvicër, mbetet stabile prej vitesh, rreth 72%.

Sipas Entit statistikor, vazhdon të mbetet stabile prej më shumë se dhjetë vitesh pjesëmarrja e të burgosurve në numrin e përgjithshëm të banorëve – rreth 80 sish në 100 mijë banorë. Nga ky aspekt, Zvicra është nën mesataren evropiane.