Shkurt.ch
Çdo i katërti i huaj në Zvicër ka përjetuar diskriminim
22.6% të personave nga kjo kategori janë shprehur në vitin e kaluar se kanë përjetuar së paku një herë në jetë ndonjë rast diskriminimi ose shprehje të racizmit
Afërsisht çdo i katërti banor i Zvicrës me prejardhje të huaj ka përjetuar përvoja të diskriminimit ose të racizmit të ushtruar ndaj tij. Por megjithatë migrantët i falin më shumë besim shtetit se sa vendësit. Kështu është konstatuar në një raport që ka publikuar sot Zyra Federale për Statistikë (BfS), njofton Agjencia Zvicerane e Lajmeve, SDA.
BfS në raportin e vet ka vënë në fokus përvojat e kategorisë së personave me sfond migrimi, kategori kjo që përfshin 37% të të gjithë banorëve të Zvicrës, transmeton albinfo.ch. 22.6% të personave nga kjo kategori janë shprehur në vitin e kaluar se kanë përjetuar së paku një herë në jetë ndonjë rast diskriminimi ose shprehje të racizmit.
Në të njëjtën kohë, qytetarët që nuk kanë prejardhje të huaj kanë tri herë më pak përvoja me diskriminimin.
Diskriminimi lidhet me nacionalitetin, religjionin, ngjyrën e lëkurës ose edhe veçanti të tjera. Ndryshe, me ose pa prejardhje të huaj, njerëzit më së shpeshti ndihen të nënvlerësuar gjatë kërkimit të banesës, të punës, në arsimim ose në përditshmërinë e punës.
Por gjetja më interesante e këtij raporti është ajo se popullata migrante, përkundër faktit se përballet me diskriminim, nuk e vë në dyshim besimin ndaj institucioneve shtetërore, transmeton albinfo.ch. Shumica e personave të moshës madhore në nivel vendi (58.9%) kanë besim të madh te policia ndërsa afër gjysma (48.7%) u besojnë shumë gjykatave.
Ndërsa dallimi më i madh në mes të personave me prejardhje të huaj dhe atyre pa këtë prejardhje është shënuar sa i përket besimit në sistemin politik. Me 46.9%, ky besim te popullata migrante është 1.4 herë më i madh se te ajo vendëse.
Të tjera nga Shkurt.ch
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse