Lajme
Certifikata zvicerane për të shëruarit do të vlejë vetëm 180 ditë
Por, për shkak se nuk ekziston më detyrimi për certifikatë në Zvicër, ky vendim nuk ka pasoja të drejtpërdrejta, brenda Zvicrës, për ata që janë shëruar
Këshilli Federal ka shkurtuar të premten periudhën e vlefshmërisë së certifikatës së shërimit, “në përputhje” me zhvillimet në nivel europian, transmeton albinfo.ch. Por, për shkak se nuk ekziston më detyrimi për certifikatë në Zvicër, sipas Këshillit Federal, ky vendim nuk ka pasoja të drejtpërdrejta, brenda Zvicrës, për ata që janë shëruar.
Në vendet që njohin certifikatën zvicerane, kjo tashmë është përgjithësisht e vlefshme për jo më gjatë se 180 ditë, shkruan srf.ch.
Lehtësohet hyrja nga vendet e treta
Përveç kësaj, Këshilli Federal, në konsultim me shtetet e Shengenit, ka vendosur të lehtësojë kriteret e hyrjes për të shëruarit nga vendet jashtë zonës Shengen. Kështu, Këshilli Federal ka shkruar se hapi është ndërmarrë sepse varianti omikron i koronavirusit shkakton rrjedhë më pak të rëndë të sëmundjes.
Nga e hëna e ardhshme, përveç personave të vaksinuar, personat nga vendet e treta që janë shëruar – për shembull nga SHBA, Serbia dhe India – do të mund të hyjnë sërish në Zvicër për qëndrime të shkurtra, pa pasur nevojë për leje, përcjell albinfo.ch. Kjo vlen kryesisht për hyrjet për qëllime turistike.
Për të hyrë në vend, ata që janë shëruar nuk duhet të bëjnë më domosdoshmërisht testin PCR. Tani lejohet edhe dorëzimi i një testi antigjeni ose antitrupash.
Megjithatë, rregullat e hyrjes për personat e pavaksinuar nga vende të caktuara jashtë zonës Shengen ende do të zbatohen.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane