Lajme
Cilat ilaçe po mungojnë në Zvicër?
Zvicra prej muajsh po përjeton mungesë të barnave dhe situata nuk pritet të zgjidhet shpejt
Rreth 125 medikamente ose janë në mungesë ose mungojnë fare nga farmacitë zvicerane, një situatë të cilën Zyra Federale për Furnizimin Ekonomik Kombëtar (FONES) e konsideron “problematike”.
Mungesa prek barnat që mund të blihen me dhe pa recetë të mjekut, si dhe ato që përdoren vetëm në mjediset spitalore për të menaxhuar dhimbjen, shkruan The Local, përcjell albinfo.ch.
Ndër medikamentet që janë të vështira për t’u gjetur tani janë ilaçet kundër dhimbjes Paracetamol; ilaç anti-inflamator, me bazë aspirinë Aspegic; antibiotik Amoxicillin; Stilolapsa adrenaline vetinjektuese Epipen që përdoren në rastet e reaksioneve të rënda alergjike; ilaç kundër ankthit Temesta; si dhe shurupet për kollën e fëmijëve.
Një nga arsyet e mungesës janë ndërprerjet e prodhimit të shkaktuara nga bllokimet, veçanërisht në Kinë.
Fabrikat në Kinë, të cilat prodhojnë substanca aktive për medikamente të shitura në Zvicër dhe Evropë, kanë mbetur pa punë mes rritjes së rasteve të Covid-19 në atë vend.
Gripi dhe sëmundjet e frymëmarrjes që kishin goditur muajt e fundit, gjithashtu shteruan stoqet, duke kontribuar më tej në mungesë, përcjell tutje albinfo.ch.
Për t’u përballur me këtë situatë, qeveria ka nisur një grup pune të përbërë nga përfaqësues të farmacistëve kantonalë, rregullatorit të barnave Swissmedic, organizatës ombrellë të farmacistëve Pharmasuisse dhe Zyrës Federale të Shëndetit Publik.
Paneli po shqyrton masat e mundshme të menjëhershme, qoftë edhe afatshkurtra, “në veçanti, për të vendosur kontakte shtesë me industrinë [farmaceutike] për të parë se çfarë mund të vendoset shpejt”, sipas zëdhënësit të FONES, Christoph Trösch.
Të ngjashme
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Stuhia e vitit të kaluar në La-Chaux-de-Fonds shkaktoi 120 milionë franga dëme Stuhia e 24 korrikut shkaktoi dëme më të mëdha në ndërtesat në La Chaux-de-Fonds NE sesa...
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë
-
Kantoni i Cyrihut merr masa kundër antisemitizmit
-
Mbi katër mijë milionerë në Zvicër