Çfarë po ndodh me Shaqirin?

Klubi anglez Stoke City ka njoftuar se Xherdan Shaqiri është lënduar përsëri dhe për këtë arsye nuk luajti në ndeshjen e fundit kundër kampionit anglez. Ndeshja e tij e fundit me skuadrën angleze ishte në janar ndaj Manchester United

Keystone

Luajti për Zvicrën, por nuk po luan për Stoke Cityn. Të gjithë po pyesin se çfarë po ndodh me yllin shqiptar, Xherdan Shaqiri.

Ai nuk luajti as në ndeshjen e fundit kundër kampionit anglez, Leicester City. Siç njoftoi klubi pak para fillimit të ndeshjes, ai sërish u lëndua në pulpën e këmbës, shkruan albinfo.ch.

Ndeshja e tij e fundit me skuadrën angleze ishte në muajin janar kundër Manchester United.

Shaqiri luajti në ndeshjen e fundit për Zvicrën në ndeshjen kualifikuese kundër Letonisë.