Lajme

Çfarë po ndryshon në Zvicër këtë javë?

E hënë, 17 Gusht 2020 - 13:50 albinfo.ch

Tomek Baginski

Nga rihapja e shkollave dhe rregullat e reja në restorantet e Bernës, e deri te pezullimin i një shërbimi ndërkombëtar treni, këto janë ngjarjet në Zvicër këtë javë.

Shkollat

Shkollat po rifillojnë në kantonet e Appenzell Innerrhoden, Jura, Neuchâtel, Graubünden, Luzern, Nidwald, Uri, Valais, Zug, Cyrih dhe në pjesën frëngjishtfolëse të Bernës.

Në 11 kantonet, ku shkollat u hapën më 10 gusht, maska nuk kërkohet në klasat fillore, të cilat përfshijnë kopshtin e fëmijëve deri në klasën e gjashtë në shumicën e rajoneve.

Nga shkollat që rifillojnë këtë javë, vetëm Berna, Jura, Luzerni, Neuchâtel dhe Cyrih kërkojnë maska në shkollat e mesme dhe ato profesionale, kur distanca prej 1.5 metrash nuk mund të respektohet.

Ndërsa shkollat në Solothurn, të cilat u rihapën më 10 gusht, nuk kërkonin maska, por nga e hëna mbrojtja e gojës dhe hundës do të jetë e detyrueshme në klasë dhe jashtë saj.

Restorantet në Bernë

Nga e hëna klientët e brendshëm të restoranteve dhe bareve në kantonin e Bernës do të duhet të lënë kontaktin e tyre.

Rregulli i ri shkon më larg se ligji federal, i cili përcakton se regjistrimi është i detyrueshëm vetëm në rastet kur distanca prej 1.5 metrash nuk mund të mbahet.

Departamenti i Shëndetësisë tha se rregullorja është miratuar sepse “në përvojat fillestare të gjurmimit të kontakteve, të dhënat e siguruara nuk ishin të mjaftueshme”.

Tani, përveç emrit dhe numrave të tyre të telefonit, klientët gjithashtu do të duhet të japin datën e lindjes dhe adresën e tyre të plotë.

Ky rregull i ri nuk vlen për tarracat dhe hapësirat në natyrë.

Pezullimi i përkohshëm i shërbimit hekurudhor drejt Italisë

Nëse po planifikoni një udhëtim me tren në Milano në dy javët e ardhshme, do të duhet të gjeni një mjet alternativ të transportit.

Nga 16 gushti deri më 6 shtator, trenat e Eurocity që lidhin Gjenevën, Llozanën, Bazelin dhe Bernën me Milanin nuk do të punojnë, për shkak të punimeve të mirëmbajtjes në të dy anët e kufirit italiano-zviceran, shkruan thelocal.ch, përcjell albinfo.ch.