Chair Airlines “ateron” në shinat e trameve të Cyrihut

Bild: Chair Airlines

Kompania zvicerane e fluturimeve «Chair Airlines» ka zgjeruar praninë e saj përtej hapësirës ajrore. Deri në fund të prillit 2026, një tram i  VBZ qarkullon në qytet i dizajnuar plotësisht me identitetin vizual të Chair Airlines, brenda dhe jashtë, shkruan albinfo.ch.

Me këtë iniciativë, kompania synon të rrisë dukshmërinë e markës në përditshmërinë urbane, përveç formave tradicionale të reklamimit, siç janë posterët.

Fillimi zyrtar i aksionit u shënua të premten, më 23 janar 2026, me një udhëtim inaugurues që zgjati rreth një orë. Tramvaji u nis nga Aeroporti i Cyrihut dhe përshkoi lagjet Oerlikon dhe Seebach, përpara se të kthehej sërish në aeroport. Në udhëtimin simbolik morën pjesë rreth 60 përfaqësues të industrisë së udhëtimeve dhe aviacionit.

Të ftuarit u përshëndetën nga drejtori financiar i Chair Airlines, Christof Aregger.

Si pjesë e fushatës, Chair Airlines ka lansuar edhe një konkurs në rrjetet sociale. Personat që identifikojnë tramin e brenduar mund të postojnë një fotografi ose video, të përdorin hashtagun #ChairTram dhe të etiketojnë kompaninë.

Çdo muaj do të dhurohen 1×2 fluturime me Chair Airlines, ndërsa fushata do të zgjasë deri në fund të prillit 2026.

 

Sieh dir diesen Beitrag auf Instagram an

 

Ein Beitrag geteilt von Chair Airlines (@flychair.ch)