Chair Airlines certifikohet për siguri dhe bëhet anëtare e IATA-s

Chair Airlines arrin standardet më të larta të sigurisë dhe bëhet pjesë e IATA-s

Mësohet se kompania e fluturimeve, Chair Airlines ka arritur dy suksese të rëndësishme.

E para është se kjo kompania zvicerane tani është zyrtarisht Iosa-certifikuar, që do të thotë se plotëson standardet më të larta ndërkombëtare të sigurisë në aviacion, dhe së dyti është bërë pjesë e IATA-s, rrjetit global me mbi 300 linja ajrore, transmeton albinfo.ch.

Referuar kompanisë, certifikimi Iosa dëshmon përkushtimin e Chair Airlines ndaj sigurisë, cilësisë dhe përmirësimit të vazhdueshëm. Me hyrjen në IATA, kompania fiton qasje në standarde ndërkombëtare, resurset e industrisë dhe një rrjet të fuqishëm bashkëpunimi dhe inovacioni.

Chair Airlines u themelua në vitin 2019 dhe shërben kryesisht destinacione turistike në Evropë dhe Afrikën e Veriut. Ajo është veçanërisht e njohur për linjat drejt Ballkanit, duke përfshirë Prishtinën, Shkupin dhe Ohri. Verën e ardhshme do të nisë edhe fluturimet drejt Vlorës, ndërsa në vitin 2026 do t’i shtohet destinacioni Patras në Greqi.

Aktualisht kompania operon me katër avionë të tipit Airbus A319 dhe A320. Historia e Chair Airlines lidhet me Germania Flug, e cila u themelua në vitin 2014. Pas problemeve financiare të kompanisë mëmë gjermane në vitin 2019, Leyla Ibrahimi-Salahi, drejtore e Air Prishtina, e bleu dhe e riemëroi në Chair Airlines.

Vlen të theksohet se Chair ka fluturime të rregullta edhe Prishtinën. /Albinfo.ch

---