Futboll
Cristiano Ronaldo mund të padisë Juventusin
Një dokument i publikuar nga Il Corriere della Sera duket se vërteton se Juventusi ende i detyrohet para Cristiano Ronaldos, kështu që sipas La Repubblica, ylli portugez mund të padisë ish-klubin e tij.
Bianconerët po përballen me një hetim financiar dhe akuzohen, ndër të tjera, se kanë fshehur pagesat për futbollistët e tyre pas pandemisë së COVID-19.
Ronaldo ishte pjesë e ekipit kur Bianconerët njoftuan se lojtarët do të hiqnin dorë nga pagat e katër muajve për të ndihmuar financiarisht ekipin në mars të 2020.
Megjithatë, disa prej tyre mund të kenë marrë pagesa nën tavolinë, siç duket e vërtetuar nga dokumentet e Guardia Di Finanza gjatë muajve të fundit.
Hetuesit besojnë se Juventusi përdori marrëveshje private me lojtarë, të pa regjistruar në FIGC ose në pasqyrat e tyre financiare, duke u premtuar atyre para që nuk i kishin marrë gjatë pikut të pandemisë.
Një nga dokumentet e publikuar nga Il Corriere della Sera kishte për qëllim Ronaldon. Subjekti është ‘Marrëveshja integruese e çmimit – Shkrim integrues’.
Në dokument, Juventusi konfirmoi angazhimet e tyre financiare ndaj CR7 duke thënë se ata do të dorëzonin ‘Marrëveshjen Suplementare të Bonusit”.
Ai është firmosur vetëm nga ish-drejtori i Juventusit, Paratici dhe jo nga Ronaldo, i cili sipas La Repubblica nuk e ka marrë kurrë. Besohet se Juventusi ende i detyrohet yllit portugez 19.6 milionë euro dhe CR7 tani mund të padisë ish-klubin e tij për të marrë paratë.
Ky besohet të jetë dokumenti që ‘nuk duhet të kishte ekzistuar teorikisht’ siç i tha drejtori i Juventusit, Cesare Gabasio, Federico Cherubinit, në një përgjim të publikuar nga mediat italiane.
Ronaldo u largua nga Juventusi në verën e vitit 2021, duke u rikthyer te Manchester United, ndërsa tani po luan në Arabi Saudite te Al Nassr./Teleegrafi
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën