Cruise akuzohet për vdekjen e dy pilotëve gjatë filmimeve

Kinematografi Jimmy Lee Garland, kishte mbetur pa ndjenja në gjysmën e trupit të tij, ndërsa piloti i Hollywodit Alan Purwin dhe bashkëpunëtori i tij Carlos Berl vdiqën

Një përplasje e aeroplanit në Kolumbi më 2015 mori jetën e dy pilotëve gjatë filmimeve të filmit të ardhshëm të Tom Cruiset “American Made”. Sipas dokumenteve të siguruara nga “People”, aktori i njohur është pjesërisht i akuzuar për këtë vdekje.

Tre njerëz ishin përfshirë në aksident, kinematografi Jimmy Lee Garland, që mbeti pa ndjenja në gjysmën e trupit të tij, ndërsa piloti i Hollywodit Alan Purwin dhe bashkëpunëtori i tij Carlos Berl vdiqën.

Përplasja ndodhi në një regjion malor në Kolumbi.

Familjet e Purwinit dhe Berlit po i padisin producentët e filmit – dhe sipas një dokumenti të ri Cruise dhe regjisori Doug Liman kanë kontribuuar në tragjedi pas kërkesave të tyre për më shumë fluturime.

“Kërkesa e filmimeve në Kolumbi, bashkë me entuziazmin e Cruizet dhe regjistorit Liman për më shumë sekuenca filmike gjatë fluturimeve, u shtuan më shumë orë për xhirime për ditë dhe shtuan ditë në orare”, thuhet në dokumente, sipas “People”.

Cruise dhe Liman nuk përmenden në padi, por familjarët i vlerësojnë si “të pakujdesshëm”.

“American Made” pritet të debutojë më 29 shtator, me yllin Cruise që është si një agjent i CIA-s dhe kontrabandist i drogës gjatë të 80-ave.