Shkurt.ch
Cyrihu, i dyti në botë për nga kualiteti jetësor, pas Vjenës
Veç Cyrihut, në top dhjetëshin e listës, nga qytetet zvicerane janë edhe Gjeneva, në vendin e tetë dhe Bazeli në të dhjetin. Ndërsa kryeqyteti i Zvicrës, Berna, është në vendin e 14-të
Cyrihu, ka tash disa vite me radhë që “lufton” për vendin e parë në botë sa i takon kualitetit jetësor që u oofron qytetarëve të tij. Dhe në këtë garë viteve të fundit, ai zë “vetëm” vendin e dytë, pasi që të parin e ka Vjena, kryeqyteti i vendit fqinj të Zvicrës, Austrisë. Kjo është përsëritur edhe këtë vit, pra Cyrihu ofron kualitetin më të mirë jetësor në botë…, pas Vjenës. Në vendin e tretë janë Mynihu i Gjermanisë dhe Auckland i Zelandës së Re, shkruan SDA.
Këtë vlerësim e ka bërë kompania këshillëdhënëse Mercer, duke u bazuar në 39 kritere të ndryshme dhe në këtë listë Vjena zë vendin e parë tash 9 vite me radhë, transmeton albinfo.ch. Ajo që e bën dallimin mes Vjenës dhe Cyrihut, sipas Mercer, është oferta kulturore më e pasur e metropolit austriak ndërsa kësaj i kontribuon edhe cilësia e transportit publik dhe ofertat për kalimin e kohës së lirë.
Mynihu si qytet i tretë në listë për nga kualiteti jetësor ka bërë viteve të fundit përpjekje të mëdha për të tërhequr talentet dhe ndërmarrjet. Po ashtu ka investuar në vazhdimësi në infrastrukurën Hightech si dhe ka promovuar institucionet kulturore.
Mercer ka futur në listë 231 qytete të mëdha të gjithë botës dhe i ka radhitur ato sipas kritereve që janë: përkujdesja shëndetësore, oferta e trafikut, pastërtia e ajrit, siguria, stabiliteti politik etj, përcjell albinfo.ch. Studimi u referohet qeverive dhe ndërmarrjeve të cilat i dërgojnë punonjësit e tyre për të punuar jashtë vendit.
Në fund të listës, pra qytetet me kualitetin më të ulët jetësor janë: Bagdati (Irak) në vendin e 231-të, Bangui (Republika e Afrikës Qendrore) në vendin e 230-të, Sanaa (Jemen), në vendin e 229-të dhe Port-au-Prince (Haiti) në vendin e 228-të.
Veç Cyrihut, në top dhjetëshin e listës, nga qytetet zvicerane janë edhe Gjeneva, në vendin e tetë dhe Bazeli në të dhjetin. Ndërsa kryeqyteti i Zvicrës, Berna, është në vendin e 14-të.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Sa banorë të huaj bëhen shtetas zviceranë çdo vit? Të dhënat e reja të qeverisë zbulojnë se sa shtetas të huaj bëhen zviceranë dhe cilët...
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale