Lajme
Cyrihu, qyteti më i shtrenjtë evropian
Renditja e mëposhtme bazohet në koston e jetesës së punonjësve emigrantë
Metropolet e mëdha të Azisë janë ato që dominojnë listën si qytetet më të shtrenjta në botë.
Të dhënat për koston e jetesës, qiraja dhe vendndodhja u analizuan nga një studim i kryer nga Mercer.
Mercer u bazua në një listë produktesh dhe shërbimesh të tilla si ushqimet, alkooli, duhani, transporti, veshja, shëndeti, argëtimi,etj. Në këtë studim u analizuan 209 qytete dhe ai që rezultoi si qyteti më i lirë ishte Tunizi. Si pasojë e forcimit të dollarit, qytetet amerikane fituan pikë dhe u ngritën në renditje, transmeton Monitor.
Kështu, Nju Jorku u rendit 4 pozicione më lart, San Francisko (e 16-ta), Los Anxhelos (e 18-ta) u renditën disa pozicione më lart, përkatësisht në pozicionin e 12 dhe atë të 17, ndërsa Çikago (e 37-ta) dhe Uashington (e 42-ta) janë ngritur me 14 pozicione më sipër, përcjell albinfo.ch.
Përveç Cyrihut që renditet në 10-shen e parë të qyteteve më të shtrenjta, qytetet e tjera evropiane janë të renditura shumë poshtë në listë.
Kështu, Milano renditet në vendin e 45, Parisi në vend të 47-të, Roma zbret në vend të 55, Amsterdami (58), Munihu (67), Frankfurti (74), Bruxelles (77), Berlini (81), Madridi (82), Barcelona (91). Londra renditet në vend të 23-të, Moska në vend të 27-të dhe Dublini në vend të 43-të.
Në krye të kësaj liste renditet Hong Kongu, që mban sërish të njëjtin pozicion si një vit më parë. Më pas në vend të dytë renditet Tokio, më pas në vend të tretë Singapori, më pas Seuli.
Në vend të pestë renditet Cyrihu, njëkohësisht edhe qyteti më i shtrenjtë europian. I gjashti renditet Shangai, në vend të shtatë Turkmenistani, në vend të 8-të Pekini, etj.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën