Bota

Danimarka ndalon ferexhenë në vendet publike

Danimarka është shteti i radhës i Bashkimit Europian që ndalon ferexhenë në vendet publike. Pas ndalimit të saj në Francë (2011), Belgjikë (2011/12) Austri (2017) dhe në disa kantone zvicerane, me 75 vota pro dhe 30 kundër parlameni danez i dha dritë jeshile ndalimit të burkës.

Ligji do futet në fuqi nga 1 gushti dhe në rast se nuk zbatohet parashihen gjoba prej 1.000 krona, rreth 157 dollarë, ndërsa në rast përsëritjeje gjobat do të dhjetëfishohen.

Teksti i legjislacionit të ri nuk përmend në mënyrë specifike femrat myslimane, por thekson se “kushdo që vesh një mbulesë që fsheh fytyrën në ambiente publike do të ndëshkohet me gjobë”.

“Amnesty International” e ka përshkruar votimin në Danimarkë si një “shkelje diskriminuese e të drejtave të grave”.