Integrimi

Dashi Krasniqi, floktari i yjeve botërore

Ai ka shumë kliente të “Victoria Secret”, por modele të famshme si Toni Garrn (24) e Nadja Auermann (45), si dhe aktoret e njohura Milla Jovovich (41) dhe Christine Neubauer (54)

Shumë shqiptarë në diasporë janë shumë të suksesshëm. Ata janë të suksesshëm jo vetëm në shëndetësi, sport, kulturë, por edhe sektorë tjerë. Njëri ndër ta është Dashi Krasniqi, i cili vepron në Gjermani, raporton albinfo.ch.

Krasniqi (41-vjeçar) me profesion është floktar dhe atë i shumë yjeve botërore, shkruhet në një artikull të ‘Bild.de’.

41-vjeçari ka lindur në Hagener, por me origjinë është nga Kosova. Ai ka dy filiale në Dusseldorfer – Gratenberg dhe Quartier Le Flair.

Ai ka shumë kliente të “Victoria Secret”, por modele të famshme si Toni Garrn (24) e Nadja Auermann (45), si dhe aktoret e njohura Milla Jovovich (41) dhe Christine Neubauer (54).

“Shumë yje më shkruajnë kur vijnë këtu, ose unë u telefonoj kur jam në Berlin ose Munich”, ka thënë shqiptari, babai i dy fëmijëve. Por, edhe ai kur shkon në revy të modës, rezervohet nga yje botërore.