Dasma më e lirë e vitit 2020

Parashikimet nuk kishin qenë të sakta edhe pse ceremonia nuk do të ishte ndër më të shtrenjtat në botë, por në çdo rast ishte planifikuar një ditë e paharrueshme me DJ, grupe fotografike dhe argëtim për fëmijët.

“Kjo është historia e një çifti britanik”, shkruan today.it.

Por, pas bllokimit nga koronavirusi, gjithçka ndryshoi, transmeton ATSH, përcjell albinfo.ch.

Kështu që Chelsea Marie dhe Hayden Davies, të dashuruar që në shkollë, të vetëdijshëm se në kohën e koronavirusit nuk mund të kishin festime të mëdha dhe tubime, vendosën për një ceremoni më modeste, megjithatë përfunduan në titujt kryesorë të gazetave si një ndër dasmat më të lira në botë.

Ajo bleu fustanin e bardhë për vetëm 15 euro. Dhe darka e dasmës? E organizuar me produkte me ulje çmimesh.

Gjithçka filloi shumë mirë para ardhjes së Covid-19, kur Chelsea Marie dhe Hayden, me banim në Glastonbury në Angli, vendosën të martoheshin.

“Dasmat janë shumë të shtrenjta. Unë fola me disa njerëz që pranuan se kishin shpenzuar mbi 25 000 euro. Ne përfunduam duke shpenzuar vetëm 500”, theksoi çifti.