Kosova
Dëmet që solli pandemia në turizmin e Kosovës janë të papërshkrueshme
Në turizëm konsiderohen të papërshkrueshme dëmet që solli pandemi.
Kryetari i Unionit të Turizmit të Kosovës, Baki Hoti, i ka quajtur të papërshkrueshme dëmet që pandemia e COVID-19 ia ka shkaktuar sektorit të turizmit në vend.
Në emisionin SOT në KTV, Hoti ka thënë se pandemia ka dëmtuar secilin sektor të turizmit, ndërsa shteti nuk ka bërë mjaftueshëm për t’u ndihmuar.
Për numrin e madh të vizitorëve që po shkon drejt Shqipërisë nëpër fundjava, Hoti ka thënë se kjo është vazhdimësi edhe e vitit të shkuar, kur kosovarët bënin turizëm në Shqipëri “dhe falë tyre mbijetoi”, pastaj në sezonin vjeshtor kishte numër “të konsiderueshëm të vizitorëve nga Shqipëria që vizituan sidomos Kosovën për turizëm dimëror”, përcjell Albinfo.ch.
“Tash në prag të sezonin veror, po shfrytëzohet më tepër kah pjesa e turizmit detar. Nëse bëjmë krahasim me vitet e kaluara, dëmet janë të pallogaritshme. Pandemia ka ndikuar tepër shumë në sektor të turizmit, e sidomos te ne që s’ka qenë edhe aq i zhvilluar”, ka thënë ai.
Sipas tij, dëmi në sektorin e hotelerisë ka qenë mbi 85 për qind, ai i agjencive turistike rreth 80, ndërsa te gastronomia mbi 55 për qind.
Hoti ka pranuar se i kanë refuzuar tre milionë eurot e ndara nga Qeveria për turizmin. Ka thënë se kjo shifër ishte paraparë për ndihma për rreth 20 mijë biznese, me 120 euro të ndara për biznes. E ka quajtur të papranueshme opsionin që një biznesi, i cili ka mbajtur shumë punëtorë, të marrë veç 120 euro. Ka thënë se kanë kërkuar buxhet të arsyeshëm, ndërsa edhe zgjatje të orarit të punës.
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in