Shkurt.ch
Dënohet kosovari: ka punësuar vëllain me pasaportë false të Sllovenisë
Falë pasaportës (false) sllovene, ai kishte fituar të drejtën e qëndrimi në Zvicër. Ndërsa një e drejtë e tillë qëndrimi u mundëson shtetasve të vendeve të BE-së edhe të drejtën e punës në Zvicër
Gjykata Federale e Zvicrës ka dënuar një menaxher të një ndërmarrjeje pasi që ai në ndërmarrjen e tij kishte punësuar në mënyrë ilegale vëllain, shkruan badenertagblatt.ch.
Ngjarja ka ndodhur në qarkun e Badenit, Kantoni Aargau. Në këtë rast ishte interesante sipas trupit gjykues se ai asnjëherë nuk ishte shtruar pyetja rreth ndërrimit të shtetësisë nga ajo kosovare në sllovene. Sidoqoftë, autoritetet më vonë zbuluan se dokumentet e tij sllovene kishin qenë të falsifikuara.
Udhëheqësi i ndërmarrjes i cili kishte punësuar vëllain, i pyetur nëse në një raport kaq të ngushtë familjar duhej të ishte interesuar rreth statusit të vëllait, është përgjigjur shkurt: jo, transmeton albinfo.ch. Por Gjykata Federale nuk i ka besuar dhe për këtë arsye e ka dënuar atë me kusht me gjobë prej 64 njësish ditore nga 50 franga. Me këtë vendim, gjykata më e lartë e Zvicrës ka konfirmuar vendimin e Gjykatës së Lartë të Kantonit Aargau dhe asaj të qarkut, të Badenit, kundër të cilave i dënuari kishte bërë ankesë.
Sipas Gjykatës Federale, punëdhënësi është dashur të dinte së paku faktin se vëllai i tij nuk ka përkatësi shtetërore sllovene.
Ky i fundit, nga ana tjetër, falë pasaportës sllovene (si shtet i BE-së) kishte fituar nga Zyra për Migracion e Cyrihut të drejtën e qëndrimi në Zvicër, transmeton albinfo.ch. Dhe, siç dihet, një leje e tillë qëndrimi u mundëson shtetasve të vendeve të BE-së të drejtën e punës në Zvicër.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?