Shqipëria

Deputeti i opozitës e sulmon me vezë Ramën në Kuvend

Me t’u kthyer në Kuvend opozita në Shqipëri ka nisur sulmet ndaj kryeministrit të Shqipërisë, Edi Rama.

Në seancën e sotme deputeti i Partisë Demokratike, Endri Hasa, tentoi të godiste me vezë kryeministrin derisa i po mbante fjalimin në Kuvend, përcjell albinfo.ch.

Ndërhyrja e Gardës së Kuvendit ka shmangur përplasjen fizike. Deputeti Endri Hasa është përjashtuar menjëherë nga Parlamenti. Rama fjalimin e tij e nisi me ironi për liderin e opozitës Lulzim Basha, për të cilin tha se 40 minutat e tij që i ia kanë dhënë për të folur do t’ia falë atij.

“Sot më shumë se asnjëherë askush më kollaj se vetë Lulzimi nuk mund t’u tregojë shqiptarëve pse zgjidhja e tyre e vetme është dhe do të jetë kjo shumicë qeverisëse”, tha Rama.

Ndërsa kreu i Partisë Demokratike, Lulzim Basha, ishte i ashpër gjatë fjalës së tij. “Jeni të poshtër si dreqi dhe bëni budallenjtë si gomari. Jeni një tufë banditësh. Ne jemi këtu vetëm për studentët”, theksoi Basha. Ai tha se janë kthyer në Kuvend vetëm për çështjen e studentëve.