Lajme
Deputeti i SVP-së fyen kolegen e tij dhe ia kujton prejardhjen e saj të huaj
Glarner i është drejtuar Arslanit: "Ky është rendi dhe rregulli, zonja Arschlan! Diçka të tillë nuk kishte në shtetin tuaj".
Dy politikanë, të dy deputetë në Parlamentin e Zvicrës, Sibel Arslan (Të Gjelbrit) dhe Andreas Glarner (SVP) kanë pasur një zënkë të ashpër pasditen e djeshme në sheshin Bundesplatz, në Bernë.
Sfondi i mosmarrëveshjes mes tyre ishte demonstrimi i aktivistëve klimatikë, i cili po zhvillohej në Bundesplatz që nga e hëna dhe i cili është shpërndarë sot në mëngjes.
Ndërkaq si shkas konkret për mosmarrëveshjen ishte, një foto që Glarner deshi t`i bënte një aktivisti, shkruan 20minuten.ch. Ky i fundit, sipas tij, kishte penguar një person që të kalonte me automjet nëpër zonën e pushtuar nga aktivistët
Sipas deklaratës së tij, Glarner dëshironte të fotografonte aktivistin në mënyrë që të paraqiste një ankesë më vonë nëse ishte e nevojshme.
Sibel Arslan kishte ndërhyrë për të qetësuar gjakrat por pastaj ishte bërë vetë shënjestër e kolegut të saj nga partia e djathtë, transmeton albinfo.ch. Siç mund të shihet dhe dëgjohet në një filmim që po qarkullon në media, Glarner i është drejtuar Arslanit: “Ky është rendi dhe rregulli, zonja Arschlan! Diçka të tillë nuk kishte në shtetin tuaj”.
Me këtë ndërhyrje ai e ka fyer kolegen e tij, pasi që, duke shtrembëruar mbiemrin e saj nga Arslan në Arschlan, ka përdorur një fjalë të njohur banale, shkruan albinfo.ch. Pas kësaj, zonja Arslan, e indinjuar e ka pyetur atë se për cilin shtet e ka fjalën, pasi që edhe ajo është zvicerane dhe është anëtare e parlamentit në të njëjtin shtet me të.
Glarner ka përsëritur edhe një herë: “A kishte diçka të tillë në shtetin tuaj?”.
I pyetur nga gazetarët, Glarner ka thënë se shtrembërimin e emrit e ka bërë pa qëllim, pra “i ka rrëshqitur”, transmeton albinfo.ch. Mirëpo, sa i përket shprehjes drejtuar zonjës Arslan për “shtetin e saj”, ai nuk është tërhequr: “është fakt se Sibel Arslan ka shtetësi të dyfishtë, turke dhe zvicerane”, ka thënë ai.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?