Lajme

Detaje për aeroplanin e linjës Stuttgart- Prishtinë

Një pasagjer i aeroplanit të linjës Stuttgart-Prishtinë ka demantuar lajmet e publikuara në disa portale, sipas të cilave aeroplani në fjalë kishte marrë flakë gjatë fluturimit.

Arton Fazliu ka shkruar në profilin e tij për atë që ka ndodhur saktësisht.

Këtë, ai thotë se e bën pas frikës dhe shqetësimeve të ngritura te qytetarët nga plasimi i lajmit sipas tij të pakonfirmuar, shkruan KALLXO.com, përcjell Albinfo.ch.

Ai ka treguar se ishte pasagjeri i fluturimit.

Pas rreth një orë fluturim, Artoni tregon se janë informuar se arritja në Prishtinë nuk mund të realizohet për shkak të një defekti teknik dhe se janë të detyruar të kthehen në Stuttgart.

Kur janë kthyer në qytetin gjerman, autoritetet gjermane kishin marrë masat për të ofruar siguri. Jo pse kishte flakë, sipas tij, por janë procedura normale në këso raste, shkruan KALLXO.com, përcjell Albinfo.ch.

Pas një ore është zëvendësuar aeroplani dhe të gjithë pasagjerët kanë arritur në Prishtinë në ora 17:00 shëndosh e mirë.