Diaspora, vendimtare në zgjedhjet e Kosovës

Komisioni Qendror i Zgjedhjeve ka bërë të ditur se numërimi i votave me kusht të diasporës dhe personave me nevoja të veçanta do të nisë pas disa ditëve.

Votat e diasporës do të jenë vendimtare në këto zgjedhje, ato do të përzgjedhin kandidatin dhe partinë kryesore për zgjedhjet parlamentare të Kosovës, shkruan albinfo.ch.

Meqenëse KQZ-ja ka ardhur në fund të numërimit të votave, dy partitë kryesore, Lëvizja Vetëvendosje  (VV) dhe Lidhja Demokratike e Kosovës (LDK)  janë afër njëra-tjetrës.

Sipas këtyre rezultateve, Lëvizja Vetëvendosje është e para me 25.48%, e dyta vazhdon të jetë Lidhja Demokratike e Kosovës me 24,82%.

Ndërsa, Partia Demokratike e Kosovës ka marrë 21,24%.

Gjithashtu, koalicioni AAK-PSD ka arritur të marrë 11,51% dhe koalicioni Nisma-AKR-PD ka shkuar në 4.94 për qind të votave, duke mos e kaluar pragun.

16 mijë pako të supozuara me fletëvotime nga diaspora do ta përcaktojnë fituesin kryesor të zgjedhjeve.