Lajme
Diaspora shqiptare në Zvicër, rol të rëndësishëm në ekonominë kosovare
"22% e transfereve të parave (“remitancat”), të cilat e arritën shumën prej pothuajse 1 miliard CHF, erdhën nga Zvicra"
Diaspora shqiptare në Zvicër luan rol të rëndësishëm në shtetin zviceran me punën e tyre, por dhe më shumë në ekonominë kosovare, veçmas në remitencat e derguara në vendlindje, shkruan albinfo.ch.
Këtë kontribut të kosovarëve në Zvicër për vendlindjen e tyre në Kosovë e komentoi për albinfo.ch edhe Ambasadori i Zvicrës në Kosovë, Thomas Kolly.
“Diaspora kosovare kontribuon mesatarisht rreth 20% në BPV-në e Kosovës. Në njërën anë, përmes dërgimit të parave dhe, në anën tjetër, përmes shpenzimeve gjatë pushimeve në Kosovë. Kështu, diaspora kontribuon në mënyrë aktive në rritjen ekonomike dhe në përmirësimin e kushteve jetësore të shumë familjeve në Kosovë”, tha Kolly.
Sipas tij, në vitin 2020, 22% e transfereve të parave (“remitencat”), të cilat e arritën shumën prej pothuajse 1 miliard CHF, erdhën nga Zvicra.
“Pa këtë mbështetje ekonomia kosovare, e rrjedhimisht edhe vendet e punës, do të ishin goditur edhe më fort nga recesioni. Edhe në vitin 2022 shpenzimet e diasporës gjatë muajve të verës me gjasë do t’i japin një shtysë të fortë rritjes ekonomike (këtë vit rritja ekonomike mund të arrijë në 8%). Fundja, është edhe diaspora ajo që në masë të madhe qëndron prapa investimeve direkte në Kosovë. Pjesa kryesore e ndërmarrjeve zvicerane në Kosovë, kryesisht NVM, që janë aktive në fusha të ndryshme, janë investime edhe nga diaspora”, shprehet ambasadori zviceran për albinfo.ch.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse