Lajme
Disa sipërmarrës shqiptarë nga SHBA nisin bashkëpunim me gjigantin Coca Cola
Raportohet se në ambientet e sallës “Nënë Tereza” pranë Kishës “Zoja Pajtore“ në Southfield, Michigan, u nënshkrua marrëveshja e bashkëpunimit mes shoqatës “Komuniteti Shqiptar” në Michigan, e përbërë nga përfaqësues të shoqatave “Kosova” dhe “Jehona e Malësisë”, me kompaninë më të madhe në botë për pije freskuese Coca Cola.
Marrëveshja u nënshkrua edhe me kompaninë më të madhe të pijeve freskuese për shtetin e Michigan-it – “Leonard’s Syrups”, përcjell albinfo.ch.
Në emër të Shoqatës Komuniteti Shqiptar në Michigan kontratën e nënshkroi kryetari i shoqatës, Gjevalin Gegaj, nga kompania Coca-Cola, Joshua Bennett, ndërsa në emër të kompanisë Leonard’s Syrups, Lucas Iskra.
Me ketë marrëveshje përfitojnë pronarët e restoranteve, duke blerë produktet nga këto kompani me çmimin më të ulët në treg dhe duke marrë shërbimin më të mirë. E veçanta e kësaj marrëveshjeje është se një përqindje e konsiderueshme nga çmimi në fjalë do të shkojë në fondin e Shoqatës, me qëllim që të grumbullohen fondet për ndërtimin e Qendrës Kulturore Shqiptare në Michigan.
Komuniteti Shqiptar në Michigan është i regjistruar si shoqatë jofitimprurëse me status të veçantë që i lejon kontribuesit zbritje taksash bazuar në kontribut.
Pjesëmarrësit në ceremoninë e nënshkrimit të kësaj marrëveshjeje vlerësuan se kjo marrëveshje është arritja më e madhe në historinë e komunitetit tonë në këtë shekull.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Numri i zviceranëve në mbarë botën u rrit me 1.7% në vitin 2023 Sipas statistikave vjetore, pothuajse dy të tretat e zviceranëve jashtë vendit jetojnë në Evropë, me Francën...
-
Shtohet edhe një milioner në Zvicër: Fiton Jackpot-in 2.6 milionë franga
-
Zvicër: Marsi ishte për 2 gradë më i nxehtë
-
Pritet shumë trafik gjatë fundjavës së Pashkëve
-
Qeveria zvicerane refuzon sërish të nënshkruajë traktatin e armëve bërthamore