Disa vende kanë vendosur kufizime për udhëtarët nga Kina

Disa vende kanë vendosur kufizime për udhëtarët nga Kina mes një rritjeje të rasteve të koronavirusit në vend pasi Pekini lehtësoi masat e rrepta dhe braktisi politikën e tij të “tolerancës zero Covid-19”.

SHBA do të prezantojë teste të detyrueshme për Covid për të gjithë udhëtarët që vijnë nga Kina, duke filluar nga 5 janari.

Të gjithë udhëtarët mbi moshën dy vjeç do të kenë nevojë për një rezultat negativ të testit jo më të vjetër se dy ditë para nisjes nga Kina, Hong-Kong ose Macau.

India po prezanton certifikata negative të Covid për udhëtarët që vijnë nga Kina, Japonia, Koreja e Jugut, Hong-Kongu dhe Tajlanda.

Udhëtarët nga ato vende do të duhet të kalojnë kohë në karantinë nëse kanë simptoma të infeksionit me Covid ose nëse zbulohen se janë pozitivë. Japonia prezanton certifikata negative të Covid për udhëtarët që vijnë nga Kina kontinentale.

Ata që rezultojnë pozitivë do të qëndrojnë në karantinë për shtatë ditë. Qendra e Komandës Qendrore të Epidemisë së Tajvanit tha se të gjithë pasagjerëve që mbërrijnë me fluturime direkte nga Kina, si dhe me anije në dy ishujt në det të hapur, do t’u kërkohet t’u nënshtrohen testeve PCR pas mbërritjes.

---