Dizajneri i iPhone largohet pas dy dekadash nga Apple

Jony Ive, britaniku i cili për më shumë se dy dekada ndihmoi Apple të bëhet kompania më e vlefshme në botë, po largohet për të krijuar sipërmarrjen e tij.

Dizajneri i iac, iPod dhe iPhone, po largohet për të filluar një firmë krijuese, LoveFrom, me Apple si klientin e saj të parë.

“Kjo duket vetëm si një kohë e natyrshme dhe e butë për të bërë këtë ndryshim”, deklaroi ai, transmeton TCH.

Shefi i Apple, Tim Cook tha se “roli i tij në ringjalljen e Apple ishte i madh”, përcjell albinfo.ch.

Por largimi vjen në një kohë të ndryshimit të gjerë në gjigantin e teknologjisë.

Shefi i shitjeve, Angela Ahrendts u largua në prill dhe investitorët kanë qenë të shqetësuar për rënien e shitjeve të iPhone.