Donacioni i USAID-it mbështet Maqedoninë

Agjencia amerikane për zhvillim ndërkombëtar USAID ndau grand në vlerë prej mbi 5,1 milionë dollarë amerikanë pesë organizatave joqeveritare të Maqedonisë për projekte për mbështetje të sipërmarrësisë dhe efikasitetit energjetik në vend.

Grand trevjeçar prej 1,3 milionë dollarë mori Qendra për hapje të biznesit nga Manastiri për projektin Biznes pa kufi, dedikuar për mbështetje të bizneseve të vogla të reja dhe ekzistuese në Pellagoni. Qendra për zhvillim të sipërmarrësisë fitoi grand prej dy milionë denarë, ndërsa Asociacioni i zejtarëve të Maqedonisë për projektin Biznes kreativ fitoi 265 mijë dollarë. MDC-Ti.Net fitoi grand që të vazhdojë me projektin Për riciklim të plastikës i cili me sukses ekziston tashmë pesë vite edhe përmes të cilit romët e papunësuar nga katër komuna të Maqedonisë përfitojnë për jetë.”Prej vitit 1993 Qeveria e SHBA-së investoi mbi një miliardë dollarë për mbështetje të qëllimeve të Maqedonisë.

Gjysma e këtyre mjeteve janë realizuar përmes aktiviteteve të USAID-it për krijim të vendeve të punës, zvogëlim të korrupsionit dhe përgatitje të nxënësve të Maqedonisë për tregun e punës në shekullin 21″, tha ambasadori i SHBA-së në Maqedoni Filip Riker në konferencën e sotme për shtyp.