Dy ditë para fluturimeve, aeroporti i Prishtinës jep këtë njoftim për mërgimtarët

Aeroporti Ndërkombëtar i Prishtinës “Adem Jashari”, përmes një njoftimi ka bërë të ditur se nga data 28 qershor lejohet operimi i plotë i fluturimeve

Aeroporti Ndërkombëtar i Prishtinës “Adem Jashari” ka njoftuar për fluturimet që janë planifikuar për muajin korrik.

Përmes një njoftimi në faqen zyrtare, ANP-ja ka bërë me dije se nga 28 qershori do të ketë operim të fluturimeve të rregullta, shkruan albinfo.ch.

Po ashtu, nga aeroporti është bërë e ditur se për orar të fluturimeve mund të njoftohen qytetarët në faqen zyrtare.

“Për bileta dhe informacione shtesë, për fluturimin tuaj, qëndroni në kontakt me kompanitë ajrore. Për dokumente udhëtimi, ju lusim të kontaktoni me autoritetet relevante, siç janë zyrat e Ambasadave të Huaja në Kosovë, Ministria e Punëve të Brendshme etj”, thuhet në njoftim.

Lexo edhe 

“Air Prishtina” nis fluturimet 14 herë në javë nga Zvicra në Kosovë

Nga ana tjetër, nga aeroporti kanë bërë thirrje për përmbajtje të udhëzimeve për masat e sigurisë së udhëtimit.

“Ju lusim t’u përmbaheni udhëzimeve për masat e sigurisë së udhëtimit, në mënyrë që fluturimi juaj të realizohet me kohë dhe i sigurt, (veprimet që duhet ndërmarrë nga ana juaj, janë të publikuara si në faqen tonë zyrtare, po ashtu edhe në rrjetet sociale. Ju kërkojmë ndjesë për pakënaqësitë e shkaktuara gjatë muajve të kaluar, edhe pse ANP ‘Adem Jashari’ LKIA ka qenë gjithmonë i gatshëm të operojë”, shkruhet në njoftim.

---