Lajme
Dy fëmijë vdesin nga një zjarr në Leuzingen të Bernës
Me gjithë masat e shpëtimit të ndërmarra menjëherë, nuk qe e mundur t`u shpëtohej jeta dy fëmijëve tjerë që ndodheshin në shtëpi
Një zjarr u raportua të dielën në mbrëmje në orën 22:40 në Leuzingen, Kantoni i Bernës. Punëtorët e shpëtimit që shkuan atje kanë parë tym të fortë dhe flakë që ngriheshin nga ndërtesa. Dy të rritur dhe një fëmijë kishin arritur të shpëtonin. Një fëmijë tjetër ishte larguar nga shtëpia vetë, raporton srf.ch.
Këta 4 persona kishin pësuar lëndime të lehta dhe u dërguan në spital me ambulancë.
Po ashtu edhe dy fëmijë të tjerë janë shpëtuar nga zjarrfikësit gjatë operacionit, transmeton albinfo.ch. Por, megjithë masat e shpëtimit të ndërmarra menjëherë, nuk qe e mundur t`u shpëtohej jeta dy fëmijëve tjerë që ndodheshin në shtëpi, shkruan policia e kantonit të Bernës.
80 zjarrfikës nga brigada e zjarrit rajonal Büren kanë luftuar zjarrin dhe e kanë shuar atë rreth orës 2:30 të mëngjesit, transmeton albinfo.ch. Dy zjarrfikës të lënduar u desh të shkonin në spital për kontroll. Në aksion ishin disa ambulanca, dy helikopterë nga Rega dhe ekipi i kujdesit të kantonit të Bernës.
Shtëpia është dëmtuar rëndë pas zjarrit dhe nuk është më e banueshme. Komuniteti ka gjetur strehim të përkohshëm për banorët e prekur. Rruga kryesore përmes Leuzigenit ishte e mbyllur deri në orën 02:00 të mëngjesit.
Shkaku i zjarrit është i paqartë.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën