Lajme
Dy qytete zvicerane, në 10 vendet me teknologjinë më të mirë në botë
Dy qytete zvicerane renditen në 10 top dhjetshën e vendeve me tekonologjinë më të zhvilluar në botë.
Indeksi i Qyteteve të Zgjuara u lëshua nga Instituti për Zhvillimin dhe Menaxhim në Lozanë si dhe Universiteti i Singaporit për Teknologji dhe Dizajn.
Studiuesit pyetën qytetarët nga 109 qytete se çfarë mendojnë rreth shërbimeve teknologjike në pesë fusha të ndryshme: shëndet, siguri, lëvizshmëri dhe aktivitete, përcjell albinfo.ch.
Sipas IMD, rezultatet e shërbimeve po ofrojnë njohuri se si po ndikon teknologjia në epokën e COVID-19.
Zvicra është i vetmi shtet që ka të pozicionuar dy qytetet në këtë top dhjetëshe. Cyrihun në vendin e tretë dhe Gjenevën në të shtatin.
Cyrihu ka rezultate të larta në fushën e objekteve shëndetësore, pjesëmarrjes politike si dhe në arsim.
Banorët e këtij qyteti janë gjithashtu të kënaqur me shpejtësinë e internetit dhe mundësitë për të gjetur punë në internet.
Sidoqoftë, të anketuarit e sondazhit kritikuan mungesën e votimit elektronik dhe aplikacioneve për gjetjen e një hapësire parkimi ose ndarjen e makinave.
Gjeneva doli mirë në kategori duke përfshirë komoditetet themelore, pjesëmarrjen e qytetarëve, arsimin, shëndetësinë dhe lëvizjen sociale.
Por banorët ankohen për bllokimet e trafikut dhe ndotjen e ajrit.
Problemi më i madh që raportuan banorët e të dy qyteteve është mungesa e strehimit të përballueshëm.
Të dy qytetet shpesh kanë rezultate të larta në sondazhet ndërkombëtare, duke vlerësuar cilësinë e jetës dhe vendet më të shtrenjta për të jetuar.
Singapori dhe Helsinki u renditën përkatësisht në vendet e para dhe të dyta, të ndjekura nga Auckland, Oslo, Kopenhagen, Taipei City, Amsterdam dhe New York në 10 më të mirët./albinfo.ch
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit