Lajme
Dy zviceranët nga Winterthur dyshohen për bashkëpunim me terroristin në Vjenë
Pas sulmit terrorist në Vjenë, në nëntor 2020, policia e kantonit të Cyrihut arrestoi dy burra nga Winterthur. Zviceranët e arrestuar (25 dhe 19 vjeç) thuhet se janë të lidhur me sulmin e Vjenës dhe për këtë arsye ata janë ende në paraburgim. Por, deri më tani nuk ka prova të qëndrueshme.
Terroristi i Shtetit Islamik Kujtim F. (20 vjeçar) vrau katër persona në Vjenë më 2 nëntor 2020. Austriaku me rrënjë nga Maqedonia e Veriut, i armatosur rëndë, qëlloi pa dallim mbi njerëzit që ishin duke shijuar një mbrëmje të butë nëntori në tarracat e lokaleve një ditë përpara bllokimit të pjesshëm të Austrisë ndaj masave të koronavirusit”, raporton blick.ch, përcjell albinfo.ch.
Një ditë më vonë, djaloshi nga Winterthur D. (25) dhe B. (19) u arrestuan. Arsyeja: Të dy personat e njihnin vrasësin nga Vjena. Që nga ajo kohë, të dy janë në paraburgim.
Të dy personat kishin vizituar Kujtim F. në verën e vitit 2020
- Ata nuk janë të panjohur për autoritetet zviceranë. 25-vjeçari D. u rrit në kantonin e Cyrihut dhe luajti futboll për një kohë të gjatë. D. është konvertuar në Islam dhe ishte i lidhur mirë në skenën islamike rreth xhamisë An’Nur në Winterthur e cila tani është e mbyllur.
Dyshja kishin qëndruar në Vjenë në verën e vitit 2020, disa muaj para sulmit. Atje, ata u takuan me Kujtim F. dhe fjetën në banesën e tij. Gjithashtu shtrënguan duart me ekstremistët e tjerë, transmeton albinfo.ch
Harta e qytetit me skena krimi të gjetura në celular
Kur dy personat nga Winterthur fu kthyen për në Zvicër, Kujtim F. shkoi në Sllovaki për të blerë municione për armën e tij t1ë tipit kallashnikov. Por pa sukses. Përpjekja për blerje është një tregues për hetuesit se ekziston një lidhje midis D. dhe sulmuesit.
Zvicerani kundërshton teorinë, por hesht krejtësisht në lidhje me pyetjen, se si ai ishte i lidhur me sulmuesin e Vjenës.
Në anën tjetër tashmë hetuesit e kanë një fakt: Ata gjetën video të sulmit në telefonin celular të D., si dhe një foto të një harte të qytetit të Vjenës duke përfshirë vendet e shënuara ku Kujtim F. qëlloi me breshëri armësh.
Dëshmitë e forta se dy zviceranët kishin lidhje të drejtpërdrejta me sulmin në Vjenë mungojnë deri më tash por, ata vazhdojnë të mbesin ende në paraburgim.
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane