E pabesueshme: Kjo BMW mund të shitet për 300 franga

Christian R. është dënuar me 30 muaj burg për ngasjen e tij të çmendur djallëzore përmes Zvicrës, me 200 km/h. Javën e ardhshme ju mund të bëni ofertë për BMW-në e tij në Tiçino.

 

Të martën e ardhshme, vetura e llojit BMW Z4 e Christian R. (43) do të jetë në ankand publik. BMW-ja me të cilin shtetasi gjerman qarkullonte nëpër Zvicër me 200 km/h katër vite më parë dhe në tunelin e Gotthardit tejkaloi dhjetë herë. Çmimi fillestar në ankand në Cresciano TI, duhet të startojë me 300 franga, raporton portali italofon zviceran “Tio.ch”, përcjell Albinfo.ch.

Vetura është regjistruar më 26 shtator 2003 dhe ka pothuajse 100.000 kilometra të kaluara. Ajo ende duket të jetë në gjendje të mirë. Siç mund të shihet në një foto, në karrigen e bashkudhëtarit ka ende një kapelë, të cilën Christian R. e kishte lënë aty pasi i ishte konfiskuar BMW-ja, njofton më tej Albinfo.ch.

Në muajin shkurt të këtij viti, një gjykatë e Tiçinos, vozitësin e ashpër e dënoi me 30 muaj burg. Dymbëdhjetë prej tyre ai duhet t`i vuaj pas grilave. Ai është dashur të vuaj dënimin në Gjermani në muajin qershor, por nuk është paraqitur. Në vend të kësaj, Christian R. kishte shkruar një letër në të cilën thuhej se ai ishte shumë i sëmurë për burg, njofton më tej Albinfo.ch. Tani do të sqarohet nëse ai me të vërtetë është i paaftë për arsye shëndetësore.

---