Edhe dy të vdekur nga koronavirusi në Kosovë

Njëra viktimë është nga komuna e Mitrovicës së Veriut dhe tjetra nga Leposaviqi

Janë shënuar edhe dy viktima me COVID-19, një nga Komuna e Leposaviqit, (e lindur në vitin 1948), dhe një viktimë nga Komuna e Zubin Potokut (e lindur në vitin 1947), që të dy viktimat kishin edhe sëmundje të tjera kronike.

Ndërsa pos dy viktimave, janë shfaqur edhe dy raste të reja me COVID-19 dhe janë shëruar edhe 4 pacientë, ka njoftuar në një konferencë për media epidemiologu Aleksandar Antonijeviq, raporton KosSev.info.

Një person ka ndërruar jetë në Qendrën Klinike në Kragujevc, ndërsa personi tjetër si pasojë e një infarkti ishte duke u trajtuar në një qendër në Mitrovicën e Veriut, dhe në orët e mbrëmjes kur është testuar kishte rezultuar pozitiv me COVID-19.

Dy rastet e reja me COVID-19 janë nga njëra nga Komuna e Mitrovicës së Veriut dhe njëra nga Leposaviqi. Deri më sot janë 96 persona të prekur me COVID-19 në këto komuna, ndërsa janë shëruar 47 persona, dhe janë shënuar 8 viktima.

---