Edmond Kapllani: “Momentet më të vështira në jetën time”

"Diçka të tillë nuk kam përjetuar kurrë më parë. Uroj që kjo të mos më ndodhë kurrë më”, ka thënë ai në një intervistë për “Frankfurter Allgemeine Zeitung”.

Sulmuesi i kombëtares shqiptare Edmond Kapllani ka folur rreth ndeshjes historike të Shqipërisë kundër Serbisë e cila u ndërpre në minuten e 42-të, pasi që tifozët serbë hynë në fushë dhe i sulmuan lojtarët shqiptarë. Futbollisti durrësak e vlerëson atë si ndeshjen më të vështirë në jetën e tij.

“Definitivisht.  Diçka të tillë nuk kam përjetuar kurrë në jetën time. Uroj që kjo të mos më ndodhë kurrë më”, ka thënë ai në një intervistë për “Frankfurter Allgemeine Zeitung”.

Sulmuesi shqiptar i cili nuk pati fatin të inkuadrohet në lojë, ka thënë se ekipi ka qenë i vetëdishëm se në Serbi do të jetë një lojë e vështirë, por nuk e ka menduar se ndeshja do të përshkallëzohet deri në këtë masë.

“Ne ishim të përqendruar në ndeshje dhe deri në ato minuta ishim duke luajtur mirë. Pastaj gjërat ndryshuan dhe ndodhi ajo që ndodhi”, ka shtuar futbollisti i “PSV Frankfurt”, menjëherë pas kthimit në Gjermani.

Kapllani është shprehur se gjatë kohës sa kanë qenë në fushë, ata janë gjuajtur me gurë dhe shishe, ndërsa nuk kanë pasur problem me lojtarët serbë, disa prej të cilëve madje janë munduar edhe t`i mbrojnë futbollistët shqiptarë nga huliganët serbë.

Sa i përket fluturakes e cila u ngrit mbi stadiumin e Beogradit, bomberi shqiptar ka thënë  se kjo mbetet një mister për të cilin nuk dinë se nga kush është e ka ngritur. “Për ne kjo është një mister i madh. Edhe ne jemi të interesuar të dimë se nga erdhi dhe kush e solli?”, ka thënë Edmond Kapllani.

A.Gj.