Ekspertët: Wuhani është kthyer në normalitetit të plotë, si është e mundur?

Macau Photo Agency - Ilustrim

Pavarësisht një viti nga bllokimi, Wuhan tashmë është kthyer në jetën normale, por ende i përhumbur nga plagët emocionale.

Një vit ka kaluar që kur qyteti qendror kinez Wuhan me 11 milionë njerëz u vendos nën bllokimin e parë të koronavirusit në botë më 23 janar.

Sipas statistikave thuhet se të paktën 3 mijë e 869 banorë të Wuhan humbën jetën nga virusi, i cili vazhdoi të merrte më shumë se 2 milionë jetë në të gjithë globin, shkruan CNN, përcjell albinfo.ch.

Bota u shtang kur fluturimet, trenat dhe autobusët për nga Wuhani u anuluan, autostradat u bllokuan dhe njerëzit u urdhëruan të qëndronin në shtëpitë e tyre, duke u mbështetur te zyrtarët dhe vullnetarët për nevojat e përditshme.

Fillimisht, ishte e vështirë për pacientët, familjet dhe madje edhe disa punonjës të kujdesit shëndetësor të shkonin në spital.

Por qeveria kineze që nga ajo kohë ka paralajmëruar masa drastike për të frenuar shpërthimin fillestar dhe masa të ngjashme deri tani janë zbatuar në vendet rreth botës – me disa qytete jashtë Kinës duke pësuar bllokime të shpeshta.

Në atë kontekst, Wuhan është bërë një histori suksesi në zbutjen e virusit. Kjo pasi nuk ka raportuar një infeksion lokal të koronavirusit për muaj me radhë.

Nga ana tjetër, ekspertët vlerësojnë se gjithë kjo shuarje e Covid, në këtë vend, është enigmatike, pasiqë kontrollimi total, aq sa të kthehet në normalitet i gjithë vendi, duhen studime për këtë.

Më 31 dhjetor, ndërsa miliona njerëz në vendet e tjera kaluan natën e Vitit të Ri në mbylljen e një bllokimi tjetër, ndërsa banorët e Wuhanit mbushën rrugë duke festuar ardhjen e vitit 2021.

Sot, banorët flasin me krenari për qëndrueshmërinë dhe forcën e qytetit të tyre, dhe përpjekjet që ata bënë për të larguar COVID-19.

Por masat e ashpra erdhën gjithashtu me një kosto të madhe personale për banorët, dhe pavarësisht kthimit të dukshëm në jetën normale, plagët e thella emocionale ndjekin qytetin.

Disa banorë që humbën të dashurit e tyre nga virusi janë ende duke jetuar në hidhërim, të zemëruar me qeverinë për hapat e saj të hershëm në parandalimin e njerëzve nga njohja e fakteve që mund të kishin shpëtuar jetë.