Muzikë

Elina Duni sonte performon në Gostivar

E diel, 4 Gusht 2019 - 12:05 albinfo.ch

Në kuadër të festivalit “The Park” në Gostivar, sonte do të performojë këngëtarja shqiptare që jeton në Zvicër, Elina Duni.

Festivali mbahet në parkun e qytetit, me fillim nga ora 20:30, kurse hyrja është e lirë, përcjell albinfo.ch.

Për këtë festival ka njoftuar edhe Ambasada e Zvicrës në Maqedoninë e Veriut. “Kush është interesuar për muzikë xhaz sonte? “The Park Festival” në Gostivar ka sjellë në skenë plot muzicientë këtë vit, dhe sonte, përpos të tjerëve, do të argëtohemi me muzicientët zviceranë Elina Duni dhe Rob Luft Band”, kanë shkruar nga ambasada, në një postim në Facebook.

Po ashtu, do të performojnë edhe Tom McCredie, Corrie Dick, Gent Rushi, Saso Popovski e Leutrim Aliji.

“The Park” është festival muzikor që për herë të parë këtë vit po mbahet në hapësirat e parkut të qytetit të Gostivarit dhe sot është dita e fundit e këtij edicioni, përcjell albinfo.ch.