Shkurt.ch

Emigracioni në Zvicër vazhdon të rritet

Numri i të ardhurve në Zvicër u rrit përsëri vitin e kaluar, duke e çuar popullsinë e huaj në mbi dy milionë.

Shifrat e lëshuara nga Zyra Federale e Statistikave të premten treguan se emigracioni neto i qytetarëve të Bashkimit Europian (BE) / Shoqatës së Tregtisë së Lirë (EFTA) u rrit me gati 31,000 në 2018-ën, pak më shumë se në vitin 2017.

Emigracioni i përgjithshëm – i cili menaxhohet nga kuota për të huajt nga vendet e treta (duke përfshirë, për shembull, Shtetet e Bashkuara) dhe kufizime të përkohshme për disa anëtarë më të rinj të BE-së – u rritën me 2.9%, në gati 55,000 njerëz.

Kjo do të thotë se pothuajse 2.1 milionë të huaj, më shumë se dy të tretat e tyre nga vendet e BE-së dhe EFTA-s jetuan në Zvicër në fund të vitit 2018 (prej të cilëve rreth 400,000 u lindën në Zvicër). Popullsia e përgjithshme është 8.4 milionë, përcjell albinfo.ch.

Italianët përbëjnë grupin më të madh të të huajve, të ndjekur nga gjermanët dhe portugezët.

 

Zvicra jo-BE lejon lëvizjen e lirë të njerëzve nga BE dhe anëtarët e EFTA Islanda, Lihtenshtajni dhe Norvegjia në këmbim të qasjes së shtuar në tregun e vetëm të BE.