Emigrantët tunizianë kërkojnë urgjentisht pasaportat nga amabasada e tyre

Një numër tunizianësh që kanë kërkuar azil në Zvicër kishin bllokuar mbrëmë Ambasadën e Tunizisë në Bernë për të kërkuar tu ktheheshin menjëherë pasaportat, të cilat ishin detyruar t`i dorëzonin si refugjatë politikë.

Siç kanë deklaruar për mediet zvicerane, këta emigrantë politikë, pas ndërrimit të regjimit në atdheun e tyre, dëshirojnë të kthehen në Tunizi. Mirëpo, Ambasada e këtij vendi, nga e hëna deri të mërkurën kishte dhënë gjithsej vetëm pesë pasaporta, shkruan drs.ch.

Ende nuk dihen rezultatet e bisedimeve që emigrantët tunizianë kanë zhvilluar me personelin e ambasadës së vendit të tyre.