Kosova
Erdogan i premton mbështetje Kosovës për anëtarësim në KE, BE dhe NATO
"Po bëjmë përpjekje që Kosova të arrijë pozicionin e merituar në arenën ndërkombëtare. Mbështesim Kosovën në anëtarësimin në KE, BE dhe NATO”

Në konferencën për shtyp të mbajtur pas takimit me kryeministrin e Kosovës, Albin Kurti, presidenti i Turqisë, Recep Tayyip Erdogan, ka premtuar mbështetje për Kosovën në anëtarësimin në Këshillin e Evropës, Bashkimin Evropian dhe në NATO. Ai tha se Turqia është e gatshme të ofrojë mbështetjen e saj në dialog, nëse i kërkohet.
Erdogan ka përkujtuar se Turqia është vendi i dytë që ka njohur Pavarësinë e Kosovës.
“Turqia është një nga vendet e para që e ka njohur Pavarësinë e Kosovës. Atë kohë, kam qenë duke drejtuar mbledhjen e kabinetit dhe ma komunikuan që SHBA-ja e kishte njohur si vendi i parë, dhe thashë se ne do të jemi vendi i dytë që e njohim Kosovën. Qoftë e hajrit. Është domethënëse kjo. Tani janë 117 shtete që e njohin. Ne do të bëjmë punë intensive që të arrijmë shifrën që është si objektiv sa i përket njohjeve.
Dua t’iu uroj 15-vjetorin e Pavarësisë që tani. Ne po vazhdojmë përpjekjet për të siguruar që Kosova të arrijë pozicionin e merituar në arenën ndërkombëtare. Mbështesim Kosovën në anëtarësimin në Këshillin e Evropës, BE dhe NATO” , ka thënë Erdogan, transmeton Telegrafi.
Ai gjithashtu ka thënë se e mbështet dialogun Kosovë-Serbi dhe se pret që palët të tregojnë një qasje konstruktive.
“Ne mbështesim dialogun dhe presim që palët të demonstrojnë qasje paqësore e konstruktive. Shpresoj që dialogu të përmbyllet duke siguruar paqen dhe stabilitetin në rajon. Turqia është gati të ofrojë ndihmë për paqen në rajonin tonë nëse i kërkohet nga palët . Do të marrim hapa për të fortifikuar marrëdhëniet tona me vëllezërit kosovarë”, ka shtuar Erdogan.
“Mbi 610 milionë euro në vit eksportojmë në Kosovë. Duhet ta rrisim nivelin e vëllimit në 1 miliard”, ka thënë ai, duke përmendur investimet turke e ndihma zhvillimore të Turqisë për Kosovën. Ka premtuar se do të vazhdohet me projekte të çmuara.
Ndërsa kryeministri Kurti, pasi ka folur për Stambollin si një vend ku nis rilindja kombëtare shqiptare në shekullin 19, ka thënë se me presidentin Erdogan kanë biseduar për raportet miqësore Kosovë-Turqi dhe për mënyrat se si mund t’i thellojnë ato me vullnetin e dyanshëm që kanë.
“Folëm për mundësitë e reja të bashkëpunimit në rrafshin ekonomik e tregtar, të sigurisë e të mbrojtjes. Diskutuam edhe për zhvillimet në rajon dhe më gjerë. Jemi gjithmonë mirënjohëse për rolin e Turqisë në intervenimin e NATO-s në Kosovë në vitin 1999, për ndaljen e gjenocidit mbi popullin e Kosovës e që solli çlirimin dhe paqen në vend; për kontributin e pakursyer në ndërtimin e institucioneve; shpalljen dhe njohjen e pavarësisë së Republikës sonë; dhe për mbështetjen e plotë e të pakursyer të Turqisë në politikën e jashtme”.
“E falënderova presidentin Erdogan për përkrahjen e zëshme të Turqisë për anëtarësimin e Kosovës në NATO dhe në Këshill të Evropës. Në NATO na bashkon orientimi. Në Këshill të Evropës vlerat. Në të dyjat, na bashkon momenti kritik nëpër të cilin po kalon kontinenti i Evropës”, ka deklaruar veç tjerash Kurti.
Të ngjashme
Të tjera nga Kosova
E-Diaspora
-
Edhe një investim nga Zvicra në Kosovë Bëhet fjalë për një investim të radhës nga afaristi shumë i suksesshëm në Zvicër dhe në...
-
Korab Rashiti: Të bashkojmë votën, pavarësisht nga përkatësia partiake
-
Mbërrijnë zarfet me fletëvotime, si të votoni në zgjedhjet e tetorit në Zvicër?
-
Dua Lipa tregon se çfarë e frymëzon nga vajzat shqiptare
-
Bullakaj: Përfitoni nga shansi, merrni pjesë në zgjedhje!
Jeta në Zvicër
-
Zvicra nuk nxiton të vendos sanksionet e BE-së kundër Kinës Zvicra refuzon të miratojë një raund hapjeje të sanksioneve të synuara të Bashkimit Evropian kundër Kinës....
-
Alain Berset, i bindur se një parti tjetër nuk do të bënte më mirë në krye të Shëndetësisë
-
Policia arreston personin që i jepte makinës me 120 km/h në zonën e 50
-
Kampioni zviceran i peshimit për vitin 2023, peshon 675 kilogramë dhe vjen nga Lozana
-
Qytetarët duan të kufizojnë lirinë e zgjedhjes së mjekut