Erdogan shpall fitoren, opozita hedh dyshime

Presidenti turk, Recep Tayip Erdogan ndërkaq ka folur për një “vendim historik” të popullit dhe për unitet dhe pajtim

Populli turk ka vendosur në referendumin e mbajtur sot ka vendosur në favor të sistemit presidencial në Turqi. Kështu ka deklaruar në mbrëmje kryeministri turk, Binali Yildirim, por fitorja është shumë e kontestuar nga opozita dhe opinioni. Rezultati paraprak i proklamuar është 51.3 për qind pro.

Presidenti turk, Recep Tayip Erdogan ndërkaq ka folur për një “vendim historik” të popullit dhe për unitet dhe pajtim. Si detyrë parësore, ai ka paralajmëruar rivendosjen e dënimit me vdekje.

Partia më e madhe opozitare CHP ka paralajmëruar të atakojë rezultatin e referendumit duke kërkuar rinumërimin e dy të tretave të votave. Sipas kësaj partie, zyrtarët e zgjedhjeve në minutën e fundit kanë pranuar edhe vota pa vula zyrtare.