EURO 2016: Zvicra në vazon e dytë

UEFA ka shpallur edhe renditjen e koeficienteve të ekipeve kombëtare, përcaktuese për ndarjen nëpër vazo.

Kombëtarja e Zvicrës është në vazon e dytë me Italinë, Rusinë, Austrinë dhe Kroacinë.

Në vazon e parë janë ndarë bashkë me nikoqirin Francën,  Spanja, Gjermania, Anglia, Portugalia dhe Belgjika.

Në vazon e katërt janë të përcaktuar përfundimisht ekipe si Islanda, Uellsi, Shqipëria  dhe Irlanda e Veriut. Ndërkohë që, Çekia, Polonia, Rumania, Sllovakia dhe Turqia duhet të presin ndeshjet e “play-off”-eve për të mësuar se në cilën vazo do të bëjnë pjesë.

UEFA ka zyrtarizuar edhe vazot e ekipeve kombëtare, të cilat do të ndeshen në fazën “play-off”, për të përcaktuar 4 ekipet e mbetura të Europianit 2016.

Takimet e para “play-off” do të zhvillohen më 12-14 nëntor, ndërsa ato të kthimit më 15-17 nëntor.