Evertoni blen Tarashajn

Sulmuesi shqiptar nga Zvicra, Shani Tarashaj më në fund ka arritur marrëveshje me skuadrën e Premier Ligës, Everton. Kështu shkruan ‘Sky Sport’, dhe mediet zviceriane që bëjnë të ditur se ai ka arritur marrëveshje për 4 vjet e gjysmë më skuadrën nga Liverpuli.

Por, sipas akordit të arritur, Everton e ka huazuar futbollistin deri në fund të sezonit te Grasshopers, transmeton albinfo.ch. Në këtë mënyrë, ai do të vazhdojë që të jetë pjesë e kampionatit zviceran edhe për pesë apo gjashtë muaj.

Rreth 4 milionë franga zvicerane është shifra e paguar nga ekipi i Premier Ligës për kartonin e futbollistit.