Evropa Veriore përfshihet nga një valë e pazakontë të nxehti

Vendet nordike po përballen me një valë të jashtëzakonshme të nxehti që nuk është parë më parë në këtë përmasë.

Sipas “The Guardian”, një stacion meteorologjik në Arktikun norvegjez ka regjistruar temperatura mbi 30°C për 13 ditë radhazi gjatë korrikut. Ndërkohë, në Finlandë, temperaturat mbi këtë kufi kanë zgjatur për tre javë.

Shkencëtarët theksojnë se kjo është periudha më e gjatë e temperaturave të larta që nga viti 1961, rreth 50% më shumë sesa rekordi i mëparshëm.

“Kjo valë e të nxehtit është ende në kulm, me temperatura që arrijnë deri në 32–33°C,” deklaroi klimatologu Mika Rantanen nga Instituti Meteorologjik i Finlandës në rrjetet sociale.

Ai shtoi se edhe zonat e Arktikut kanë përjetuar mbi tre javë me temperatura mbi 25°C, çka mund të barazohet me rekordet historike të gushtit.