FC Besa i ka zhvilluar dy sezona pa asnjë humbje

Ekipi shqiptar i St. Gallenit, FC Besa, sezonin vjeshtor do të luajë në ligën e tretë kantonale të Zvicrës lindore

Skuadra shqiptare e St. Gallenit, FC Besa, ka mbyllur garat në ligën e katërt pa pësuar asnjë humbje.  Lojtarët e rinj të ekipit kanë arritur të nxjerrin maksimumin e pikëve në këtë ligë. Besa ka mbyllur kampionatin me 60 pikë të tubuara nga 20 përballje që ka pasur.

Sezonin vjeshtor Besa do të startojë në ligën e tretë kantonale duke u ngjitur për dy vite radhazi në një ligë më të lartë, pa regjistruar asnjë humbje.

Sipas kryetarit të ekipit, Muhamet Krasniqi, humbja e fundit e Besës daton me 14 tetor 2014.

Pas një rënie të ekipit në ligën e pestë, Besa është riorganizuar dhe që prej atëherë ekipi ynë nuk ka humbur më asnjë ndeshje, thekson kryetari i FC Besës, Muhamet Krasniqi.

Lojtarët e FC Besës kanë shënuar për një sezon plot 100 dhe kanë marrë 23 gola. Suksesi i ekipit bazohet në forcën  ekipore dhe mbështetjen e madhe që ka siguruar kryesia e re me sponzorët e shumtë që financojnë ekipin.

FC Besa sot ka mbyllur sezonin pranveror me organizimin dy-ditor të turnirit të 24 verorë të zhvilluar në stadiumin e vjetër të St. Gallenit, në Espenmoos.

Finalja e zhvilluar mes ekipit Grejzat dhe Neks Versicherung është mbyllur sot në mbrëmje me fitoren bindëse të grejzave me rezultat 3-0.

Fituesit e vendit të parë në turnirin e 24 verorë, ekipi Grejzat.

Vendi i dytë për ekipin Neks-Versicherung

---