Lajme
90 mijë franga, nga aksioni i tri klubeve shqiptare të Zvicrës lindore
Iniciativa e tri klubeve shqiptare për t’u dalë në ndihmë të dëmtuarve nga tërmeti në Shqipëri, po shkon drejt finalizimit me një shumë prej jo më pak se 90 mijë frangash.
Në një takim të radhës që kanë mbajtur sot tri klubet shqiptare të Sankt Gallenit, bashkë me klubet e shoqatat e tjera që iu kanë bashkangjitur këtij aksioni, është njoftuar se ata po shkojnë drejt finalizimit të këtij aksioni që ka marrë një mbështetje të fuqishme nga mërgata shqiptare e këtij regjioni dhe të tjerë.
Ata kanë bërë të ditur se deri më tani janë mbledhur rreth 60 mijë franga zvicerane, të cilat do të shkojnë për rindërtim dhe rreth 30 të tjera për strehim të përkohshëm që i kanë vënë në dispozicion dy biznesmenë, të klubit FC Besa, Burim Kastrati dhe Muki Krasniqi.
Shuma totale shkon te 90 mijë franga. Megjithatë, ata shpresojnë që kjo shumë të rritet, pasi që aksioni do të vazhdojë deri më 15 dhjetor 2019, bëjnë ftesë për përkrahje FC Besa, KF Dardania, Klubi Motoristik Plisat, Shoqata “Mëmëdheu”, Klubi i Karates „Datdania“, Xhamia “Xheneti” në St. Gallen, LAPSH-I St. Gallen dhe një grup të rinjsh të veturave sportive.
Fondi humanitar që u dedikohet të dëmtuarëve nga tërmeti në Shqipëri do të ketë kujdesin maksimale të iniciatorëve që çdo qindarkë të shkojë në vendin e duhur, duke bashkëpunuar ngushtë me Komitetin Kombëtar për Rindërtim dhe fondet e tjera të mëdha që kanë mbledhur ndihma për të dëmtuarit, thanë njëzërit pjesëmarrësit e takimit të sotëm.
E-Diaspora
-
Shqipja flitet më shumë në Cyrih, Winterthur, Bazel dhe St. Gallen Gjuha shqipe është njëra ndër gjuhët më të popullatizuara në Zvicër. Shqipja flitet veçanërisht gjerësisht në...
-
Nagavci: Mësimi i gjuhës shqipe në diasporë ka vlerë jashtëzakonisht të madhe
-
Gërvalla takon mërgatën në Stuttgart, i fton të marrin pjesë në regjistrimin e popullsisë
-
Gjuha shqipe, gjuha e huaj më e folur në Zvicër – pas anglishtes
-
Bashkimi i shkollës shqipe në Zvicër, një lajm i mirë për të gjithë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë