FC Prishtina Bernë në Ligën 1

Skuadra shqiptare në Zvicër ka arritur një sukses të madh

FC Prishtina Bernë ka arritur një sukses të jashtëzakonshëm, duke u ngritur një ligë më lartë, shkruan albinfo.ch.

Skuadra shqiptare ka garuar në Ligën Interregjional, Grupi 2 dhe tani do të jenë në Ligën 1.

Në ndeshjen e fundit ka shënuar fitore bindëse ndaj SC Binningen 6:0. Golat i shënuan Pajtim Mazreku 3, Artian Kastrati, Bora Manuel Barry Balde dhe Dardan Mehmeti.

FC Prishtina Bernë ishte bindëse në vendin e parë, ku nga 27 ndeshje, kishte 20 fitore, pesë barazime dhe dy humbje, duke grumbulluar 65 pikë.

FC Prishtina Bernë shënoi 77 gola, duke pasur sulmin më të mirë në ligë, si dhe mbrojtjen më të mirë në ligë, me 21 gola të pranuar.

 

---