Sporti

Federer nuk do të udhëtojë në Arabinë Saudite, preferon të stërvitet

“Në këtë kohë nuk dua të luaj tenis në Arabinë Saudite,” thotë në formë diplomatike Federer. “Gjatë asaj kohe dua të stërvitem më mirë.”

Në kohën kur Rafael Nadal dhe Novak Gjokovic përgatiten për të marrë pjesë në një turne ekzibicioni në Arabinë Saudite, përkundër trysnive, legjenda e këtij sporti në Zvicër, Roger Federer, ka refuzuar.

“Në këtë kohë nuk dua të luaj tenis në Arabinë Saudite”, thotë në formë diplomatike Federer. “Gjatë asaj kohe dua të stërvitem më mirë”.
Turniri i ekzibicionit do të mbahet në Xhida, më 22 dhjetor.

Nadal dhe Gjokovic, të cilët do të perfomojnë në këtë turnir, do të fitojnë secili nga një milion dollarë. Një shumë që Roger për arsye të tij e refuzoi.

Qeveria e Arabisë Saudite kalon nëpër momente të vështira, pasi akuzohet për vrasjen monstruoze të gazetarit kritik Jamal Kashoggi dhe vrasjen e civilëve në Jemen.