Lajme
Fermerët francezë e spanjollë, ultimatum BE-së për taksat e karburantit
Rreth 300 fermerë francezë e spanjollë me traktorët e tyre protestonin sot në rajonin Basque, në pikën kufitare të Biriatou mes dy vendeve, duke dhënë “ultimatum” për Bashkimin Evropian për taksat e karburantit të tyre.
Të mbledhur prej mesditës në të dy anët e pikës kufitare, pasi kishin mbërritur në karvanë me shpejtësi të ngadaltë, ata dhanë mesazhin e tyre të përbashkët, pa ngritur flamurët e sindikatave, transmeton tch, përcjell Albinfo.ch.
Ata thanë se u jepnin kohë zyrtarëve evropianë deri në 1 qershor për të hequr taksat e gazit, energjisë e karburantit për fermerët.
Traktorët në të cilët shiheshin sloganë si “Më shumë të ardhura” apo “Fermeri fëmijë ëndërron, i rritur vdes”, qëndruan për disa orë në autostradë duke lënë të kalueshme vetëm një korsi, ndërsa më vonë nisën të ktheheshin në formë karvani me shpejtësi të ngadaltë si në të tjera protesta.
“Kjo ishte hera e parë që u mobilizuam së bashku dhe ndoshta nuk do të jetë e fundit”, tha fermeri spanjoll Joseba Pagadizabal, për rrjetin AFP.
Fermerët në shumë vende evropiane janë mobilizuar në protesta prej disa javësh kundër rregullave të reja të BE për reduktimin e prodhimit dhe mbështetjes së tyre me pretekstin e kufizimeve mjedisore, duke favorizuar importe të lira.
Fermerët quajnë konkurrencë të padrejtë importet nga jashtë BE-së, pasi prodhuesit atje nuk kanë të njëjtat rregulla apo burokraci që kërkohen brenda BE-së.
Ata denoncojnë gjithashtu çmimet e ulëta që u ofrohen për produktet e tyre dhe mungesën e mbështetjes për sektorin e ushqimit./Albinfo.ch
Të tjera nga Lajme
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
Jeta në Zvicër
-
150 vdekje në klinikën e zemrës, nisin hetimet nga Spitali Universitar i Cyrihut Dy javë më parë, një ish-drejtor i klinikës kardiake pohoi se 150 vdekje kishin ndodhur në...
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën
-
Gaza: Zviceranët caktojnë afro 11 milionë franga për UNRWA
-
A mund të pretendojë ende Gjeneva të jetë ‘kryeqyteti i paqes’?